Puntland Women Writers Association

SOMALI ORAL LITERATURE AWARDS 2019

GULAYSTAYAASHII 2019

  1. Cabduraxmaan AxmedXasan (AWTAAD)

Maanso Gulaystaha – kowaad  ( Qaran-Doon  )

Maansada qabiir baan ku ahay qaabka loo dhigo’e

Indhaweydse kumaanan qorin qubaneheediiye

Waayadan qarracan baan ahaa qulub daraaddiiye

Qalfooftayda uumbaad arkiye qaayib baan ahaye

Qiiray dadkaygow ilmadu iiga qubataaye

Intaa waan qunuudaa sidii daaci qaariyahe

Qalbigaygu wuu qaadayaa qoomkanoo idile

 

Qolo qolona waan necebihiyo ruux qabyaaliya’e

Abwaan qaran ayaan ahay haddaad igu qancaysaane

Maantana wax baan qoonsadoo aad u qaro weyne

Gabay aad qumbulad mooddo baan soo qaddimayaaye

Qoodhiin iyo xeradiin tixdani waydin qabataaye

Qudbad weeye aan idin la rabo inaydun qaaddaane

Qalbigiinna ii fura tixdani waa mid qaaliya’e

War dadkiinnan qiiraysanow qabar ma haysaane

Xogta qaalibkeedii anaa Qaasinow helaye

Duulkani qiyaanay wadaan been qasaasilane

Inkastoo dalkani qani yahoo qadanku uu buuxo

Qaxoontiga biyaha tuugayee xero ku qawdaaran

 

Qaraxyada dadkeennii madhshee lagu qudhgoynaayo

Qabiillada iswada laynayiyo aanadiyo qoofka

Wadaaddadan isqayb qaybiyee kala qaloonaaya

Ee diintu waa shay qudhee qolaba meel aadday

Darbi-jiifkan qaaqaawanee qudhunka nuugaaya

Qadafkiyo kufsiga qaali dumar qaladka loo geysan

Ciidammadan midh aan qabaninnee laamiyada qaada

Mar hadday ku qayb qaybiyaan way ku qalayaane

 

Shisheeyahakan qayraadka iyo cunaya quudkeenna

Qalbigay xanuusada sidaan qaafilkaw nahaye

Qilaafiyo dhibaatiyo haddii qaxarku joogtoobay

In wax laga qabtaa dawladnimo loo qotomiyaaye

Balse nimanki aan qaybinnee qaranka loo dhiibay

 

Qarbigiyo Imaaraadka bay daba qableeyaane

Qaar baw qabbaanoo intaa waw qulqulayaane

Waa niman qadhaabdoon tagoo qiimahood dhacaye

Nama qabato soomaaliyeey quudhsi iyo liide

Qofnimada la iibsanahayee quudka laga doortay

Qayrkaa inaad tuugsatood qamandhacoon weydo

Allyeylehe wax ‘qaaq’ laga dhihiyo waa quduro weyne

Qabkii iyo hankii baa dhintoo qiiradii maleh

Sida adhi qabaal loo dhigoo jeel la qubanayaaya

 

Waxa lagu qamaamaayo waa xoolihii qarane

Qudhqudhadu magaabada ka wayn geeljiraa qiraye

Qasnadaa la wada buuxsadoon cidu ka qaadayne

Mar haddii qofkaan aamminnaba nala qiyaanaayo

Oy qawda maqashii un tahay shayna haw qabannin

Oo aan qofina noo maqnayn qaayid baan jirine

Anigays xilqaamoo u qumay qadiyaddeennaase

Xilka qaran ayaan doonayaa qabashadiisaase

 

Qabanqaabadiisaan wadaa qaabka loo maro

Xagarkii qayoof baan ku koray qaydhabnimadiiye

Weligayna hawl aan u qumay qiil kamuu imane

Ballan waxaan ku qaadaana waa inay qabsoomaane

Allaha Qaaddirka ah baan baryoo ii qareen noqone

Idinkuna ha qaaddicina waad ku qanci doontaane

Waxba gabayga yaan sii qurbine waan qatimayaaye

Qumbe dhacay dibbaa laga qabtaa loo qotomiyaaye

Mar uumbuu Allaha Qaadirka ah qiil inoo furiye

War ha quusannina dawladnimo waa wax noo qorane.

 

 2) Kamaal Shaacir  

MAANSO ( Dumar  waa Hadhmacaan )

Dumar waa hibadeena oo

Hanti weeye adduunyoo

Eebbe noo hadiyeeyayoo

Huri mayno wanaagiyoo

Halkay noogu jiraane

Waa in loo halgamaaye

Nafteenaa u huraanaayoo

 

Iyagaa na habaayayoo

Horaadkii najaqsiiyayoo

Habeenkii iyo maalin

Markay hiirtu dilaacdo

Iyagaa huraddii iyo

Ka huleelayay jiifka oo

Marna aan hadhsanayne

 

Waa in loo halgamaaye

Naftna aan u hurnaaye

 

Iyagaan nahabaabinoo

Hagaag noo korinayayoo

Noogu deeqay horaadkiyo

Caano aan la helayne

Waa in loo hal gamaayoo

Nafta aan u hurnaaye

 

Naxariis iyo haybiyoo

Hadalkaaga wanaagsan

Markaad hooyo tidhaahdo

Sidaan kugu hilooba een

Hareertaada u joogo

Hadhacaaga agtiisaan

Ku haraad baxaynaaye

 

Waa in loo hal gamaayoo

Nafta aan u hurnaaye

 

Qofkii aan hugun kaagiyo

Hawraartaa dhagaysan

Hoobaalaydi u qaadin

Uu habbaabirayaayoo

Hurdaduu ka sasaaye

Waa in loo hal gamaayoo

Nafta aan u hurnaaye

 

Hal haysbaa o dhanaayey

Nin hoggaan ku wacaanada

Nin halyey lala yaabo

Hanadkii lagu raysto

Haldoor guulaha gaadha

Hal-abuur lagu faano

Haweenbaa ka danbeeya

Miyaa taa la hilmaamey

Hadhaceeda fardawsa

Hoobanteeda bislaatey

Hadh qabaw iyo nuurka

janno loo haminaayo

hanti aan lagu goynin

ka hungoobayo gaalku

adoomuhu hirtaana

saw hoosteeda ma taalo

 

ninkay hooyo habaartey

isna aan ka hagaagin

hadafkiisa magaadhoo

hoos uun buu u dhacaayoo

hadimaa u danbaysa

Waa in loo halgamaayoo

Nafta aan u hurnaaye

 

Hoygii aan dumar jooyin

Ama aanay hagajin

Hurdo kuu qaban maysa oo

Waadka haajiri uune

 

Waa in loo halgamaayoo

Nafta aan u hurnaaye

Wuxuunbaa taba hooyo

 

Ninkii aaney horgooninee

Xabaal looga hamsiiyayeen

Hummaageeda arkayne

Akhlaaqdii ka halaabey

Asaagiisana hiigsan ee

 

Haddal kooba xaqeeda

Maanta waan heelayne

Intay kuu halgamaysay

Intayhaankakusaartey

Intaaduurkahurdaysay

Intaadnuugtayhoraadka

Inatayfooshahantaaqdey

 

Maalintaad ka habawdow

Sidaykuguhilawdo

Hagardaamo u gaadho

 

Huqda ciilka ku raga

Markii ay hadhsanwaydoo

Sidaykuguharaado

Eehelabeloda u hayso

Ilaahowhibadaada

Maalintaykuhorjoogto

 

Ruuxna aannu haddlaynin

Ninba hawshu sugayso

Cishadaa u hadheeyoo

Hoosiiskeedafardawsa

Hoobaanteed gurtaayoo

Hurdadii kuladdaayoo

Mar uun haakah tidhaayee

 

3) Najax AadanFaarax

SHEEKO

Waxa ay joogtaa maagalada Muqdisho waxay diyaarisay political science. Waxay qortay ilaa iyo afar buug. Waxay ka shaqaysaa wasaarada waxbarashada, waana curiye

 

Waxaan Sooray Murug  Kama aanan bixin guriga hooyo iyo aabbe, mana dhaafin dugsiga iyo cidda aan dabka u doono.

 

Iskuul ma dhiganjirin, waayo ma awoodin reerkeenu. Waxaan soogaaray, sanadkii 12aad, markay da’daydu intaas ahayd ayey hooyo iga codsatay in aan u shaqeeyo reer, daruu fahaji raawgood, waana ka aqbalay hooyo soojeedinteedii. Waxaa galab casar liiqahla ii kaxeeyey reer ka fog gurigeena si aan ugu shaqeeyo, waligayna ka aanan bixin laabta hooyo iyo aabbe, laakiin galabta   waan kasoobaxay. Waxaa la ibaray reerkii, hooyana way ii dardaarantay wayna igasootagtay! Waxaan sii eegayey hooyo ilaa ay ka libiqday, qalbiguna hooyo ayuu raacay, waana awoodi waayey in aan hal mar ka il biriqsado ilaa iyo intii ay ka libdhaysey.

Anigoo sii eegaya hooyo ayaan mar qudha hadal aan naxariis lahayn dhegtaydoon wali maqlin hadal macaan maahane hadal kale ay ma qashay “naayaa, kaalay shaqayso. Marmar horaa maahsanaan bilowday.” Umaan daymo la’aanine waan soo jaleecayaniga oo aad moodid in naartii aakhiro la iiga yeedhay mise waa islaan indhaha galka kala soo baxday! Wajigaygu wali ma qaabilin qof sidaan oo kale ah, mana xasuusto jawaabtii aan bixiyey, waayo waan sasanaa.

 

Tu yar ooislaantu dhashay ayaa iyana la sooboodday hadal anan maqlin abid, “Hooyo maxay kaafiirinaysaa, may shaqaysato”. Waajib ma ahan in aan kuusheego wax yaalihii oodhan, waayo waan dareemayaa in aad ii damqanaysid.

Waxaan bilaabay shaqadii guriga aniga oo cabsi igujirto, illeen waxaan ahay naf la soo handaday oo daciifsan. Waxaan waayey  fir-fircoonaantaydii hore. Waxaa I siidaciifiya hadal adagaabkadaranoo la ii adeegsado.

 

Waxaan kufarxijiray labowaqti oohadda ii ah labada waqti ee aan naxo markii la gaadho. Waan jeclaa cadceedda arooryaad in aanfiirsado iyo marka ay Qoraxdu siidhacayso oo ay fallaarada bixiso, laakiin hadda waan nacay oo markuu waagu ii dillaaco ayaan dareemaa murug, waayo maalintu way adagtahay wayna iladheertahay, waxaana maalintayda ku dhamaystaa ciqaab. In aan fadhiisto la iimaogola, in aan qoslona dhibayey kutahay reerka aan u shaqeeyo.

Maalmuhu waa ay socdeen oo imaysugeen aniga e, waxaan lajoogaa reerka aan u shaqeeyo saddexsano. Saddexdaas sano qasab maahan in aan kaaga sheekeeyo dhibkii aan lasoo kulmayee ka tusaalo qaado intiiyarayd ee aan kaaga soo sheekeeyey. Maalin ii may wacnaan noloshu, saddexdaas sano. Waxaan nafis dareemijiray maalmahaay hooyo i soo booqato. Shaqadii aan shaqaynayey waxaan heer kugaadh siiyey hooyo iyo carruurtii iga yar-yarayd, balse waligay hooyo umaan sheegin, manadareensiin in aan reer kan dhibku qabo, waayo waan dhoolo caddaynjiray marka aan arko hooyo, mar allaale markii ay iga libiqdana waan ilmeynjiray.

Waxaan noloshaas u dulqaataba waxaa ilasoo darsey xanuun ah dhanka dhegaha. Maanhelin dawo markaan dareemayo xanuunka dhagaha.Waxaan dareemayey dhega-culays aanan maqalayn hadalka dadka ii dhow,waana dareemayoo aan yaqiinsaday in ay murugtii badnayd dhegahayga qarxisay, waligeyna ma helin hadda ka hor suuragalnimada in aan qof u sheego qisadayda noo aan nafishelo, haddase waxaan u sheegay oo iga qortay walaashay Najaax Aadan Faarah.

Maalmo kadib waxaan waayey maqalkii dhegaha oo dhan. Waxba ma maqlo. Kama anhelin naxariis, ka dib markay ii wacdo islaanta reerka leh ma maqlo oo waan dhego-cuslaaday, haddaan u sheegana imarumaysato. Waxaa igu bilaabmay dili yo in ay idisho markii ay u fahanto in aan dhagaysanayo. Markaan u dulqaatay labobilood ayaa waxaa dhacday in ay maaliniiyeedhay oo aan maqli waayey. Waxaa islaanta agteeda taalley maalintaas kal xawaashi, wayna igusoo halgaaday, waxayna igagadhacday gacanta midig, waanna ka jabay.

Waan qayliyey oo waan awoodi waayey in aan xanuunka jabniinka u adkaysto, wayna dareentay in ay wax xoog ah igaadheen laakinismayodhan way jabtay. Intay ii timid ayey dharbaaxo iigudartay oo I tidhi “kibir ayaad la oynaysaa oo waxba kumagaadhin ee maxaad ii dhagaysanaysaa?” Waxaan damcay in aan hadlo intii aanan hadlin waxay ii raacisay “iigabax guriiga naagi dhagaysanaysa iimajoogayso aniga e” oointayqoortaigaqabataybannaanka ii sootuurtay.

 

Waan soobaxay, xoogaa markii aan ka soo fogaaday gurigeedii ayaan ku dhacay meel u dhawayd maamo Sahra gurigeeda, waa maamada dhaqtarka igeysay e, dhaqtarkii wuxuu sheegay in aan jabnahay. Maamada waxaan usheegay halka aan degannahay, waxayna iigu ciddirtay hooyo, hooyana way timid, waana la ikabay. Hadda waxaan ku noolahay gurgii hooyomacan’ waanna dhega la’ ahay walina ma gamin. Ma jirto xuquuqdaydii qof ka hadlay una dooday waana nasiibdarada haysata gabdhaha Soomaaliyeed ee ilamid ka ah.

 

 

4) Abubakar CabdullaahiMaxamed Ducaysane

Sheeko ( Jihaad ) 

Allah  waxa uu iga beeray laba waalid oo aad ii jecel, igu dadaalay, kuna                                                                                        dadaalaya in inta ay naftu igujirto ee aan carradan dusheeda saranahay aanan ciil iyo caloolxuma toona kunoolaan. Sidoo kale, ku dadaalaaya inaan ku noolaado nolol qurux  badan oo aan   qeyrkeyga ka liidan.

Markii aan gaadhayda’da waxbarashada waxa ay isooqoreen malcaamad aanka fogeyn xaafadda aan degganayn. Maalintiikoowaad ee aan tagay dugsiga Qur’aanka waxa aandareemayay farxad, sababtoo ah waxaaan jeclaa in aan noqdo XaafidulQur’aan, oo aadbaan ugu dadaali jiray barashadiisa. Waqtigeyga inta ugu badan waxa aangalin jiray dhageysiga Qur’aanka, akhrintiisa, iyoxifdintiisa.  Waqtigu waa uu cararayaa, oo durba waxaa kasoo wareegtay 3 sano iyo dheeraad. Maanta waxa ay ii tahay maalin farxadeed, oo waxaaan dhammeeyay  Qur’aanka, oo guradaayaanqaybay. Soddonka Jus. Labadeyda waalid waxa ay igu hambelyeeyeen in aan dushaka qabtay Qawlka Eebbe weyne. Hooyo iyo Aabbo waxa ay macallinkeyga ukeeneen labaMacawis Sabar ah, laba Shaar iyo lacag. Macallin Maxammed waa ii duceeyay, sidaas ayuunna igu  sagootiyay.

Saaka waa subax Axad ah, waxaa la iisooqoray Dugsi. Waxaa suuqa la iiga sooiibiyay Shaar caddaan ah, Surwaal baluug  ah, iyo Kabo Buudh ah. Fasalka sannadkan aan dhigan doono waxaa wax ka barta kudhawaad Afartameeyo ardey. Aabbe Xasan waxa uu ka shaqeeyaa mid ka mid ah Shirkadaha isgaadhsiinta Dalka hooyo.

Hooyo Faadumo waxa ay leedahay Carwo lagu iibiyo Dharka. Malcaamaddii kama  aanan tagin  waxa aan ka noqday Kabiir. Macallin/bare  Maxammed ayaan caawiyaa galabtii, oo ardeyda ayaan kala eegaa. Bare Maxammed waa aftahan sheekayaqaan ah, oo kuxeeldheer sida adanaha looga dhaadhiciyo afkaarta.  Waayadii dambe waxa uubilaabay inuu ilawadaago wacdi  kusaabsan Jihaadka, mararka qaarkoodna waxa uunoo daarijiray Canjalado lagasoo duubay dad isqarxinaya, kuwa la dilaayo, dhallinyaro, iyo carruur la tababbarayo. Inta uu damiyo muuqaalka ayuu igu odhanjiray; “Waaasaaggaa waxa ay difaacayaan sharafta Islaamka, haddii ay dhintaan waxa ay galayaan Jannada, haddii ay noolaadaanna waxaay kunoolaanayaan nolol xayaata leh.”

 

Waa galabnimo arbaca ah saacaduwaxaay kubeegantahay Abbaaro 5:45pm. Ardeydii Madarasadda waa la fasaxay, labadayada ayaa kusoo hadhnay Madarasadda. Waxaa hadalka bilaabay Ustaad Maxamed “Muscaboow, waad weynaatay maanta waxaaad ku jirtaa da’dii muslimiinta aad ugargaarilaheyd, ee aad u khidmeynlaheyd. Waxa aan kusiinayaa talo ku anficidoonta adduun iyo aakhiroba.

 

Maanta waad aragtaa waddammada islaamku sida ayyihiin awood ahaan iyo dhaqaale ahaan. Waxaa u taliya  hoggaamiyaal  Gaalo-raac ah, kana amarqaata kuna xukuma shuruuc ay qoreen baadariyiin. Waxaa loo baahanyahay in dunida ay kataliyaan Amiirro, kumana imaneyso in aan iskafadhino, cabno, cunno oo jiifsano.  Waxa ay ku imaneysaa dhallinyaro u kacda waqtina u hura daafacidda karaamada dadkeenna. Maanta waxaaad tahay nin dhallinyara ah, caafimaadqaba, firaaqa heysta, haddii aadan ugafaaii’deysan Jihaadka, aakhira waa lagu weydiindoonaa, Muscab yare, mujaahidiinta xaqu-dirirka waa in aad kubiirtaa.Maalinnimada Jimcada ah waxaad raacidoontaa dhallinyaro ku soobiirtay Xarakada, loona qaadidoono Tababbar.” Hadalka waxa uu ii siiraaciyay “Waan kuogahay in aad tahay qofjecel kheyrka”

Anigu  waan qiireysanaa marka uu macallinku ii waday sheekada, mararka qaar waxa aan sawiranayay anigoo ku jira Jannada, kuna raaxeysanaaya. Sidaas awgeed maan diidin hadalka macallinkeyga, wax aan u sheegay in aan qaatay goaankaas. Waa uu qoslay gacantana madaxa ayuu igasaaray isagaoo ii salaaxaya.“Waan kugu ogaa in aad tahay rijaalrijaaldhalay” ayuu ii siiraaciyay.Go’aankii aan qaatay cidna lama aanan wadaagin e, qaar ka mid ah dharkeyga ayaan bacmadow ku ritay,gurigii aannu Macalinka ku ballannay ayaanna ugutagay. Inta ananba salka dhulkadhigan, ayaa waxa aan maqlay Gaadhiguuxiisa.

 

“Nooistaaji” ayuu macalinkii dhahay. Baabuurkii ayaannu fuulnay, waxuuna na hor istaajiyay guriweyn hortiisa. Gurigii ayaan galnay, waxaaba bannaanka guriga hortaagan dhallinyaro aad u yaryar, qiyaas ahaanna waxaan kuqiyaasay 70 dhalinyaro oo carruur ah. qolirrid banaan ah ayaa waxaa ka soo baxay nin garweyn leh, oon buurneyn caatana aan ahayn, dhexdhexaad ayuu ahaa. “Isku soo dhawaada” ayuu hadal kiisa kubilaabay. Toddobo Saf ayaan Safafkii wadagalnay. Waxa uu bilawday hadalkiisa,waxaanna ka midahaa; “Waan kufaraxsanahay maanta in aydiyaaryihiin toddobaatan dhallinyaro ah, oo u diyaar ah in ay kor u qaadaan raayadan.Cadowga maanta waa u naxdin waxa ay dareemayaan carriiri Takbiirdheh“Allaah u kabar”.

Tababbar  ayaa  idiin bilaabanaaya, hal bil ah. Gawaarida  aan sugeyno marka ay innoo imaadaan ayaad raaceysaan.”Dhowr daqiiqo ka dib khudbaddii Amiirka, waxaa noo yimid dhowr gaadhi, gawaaridii ayaana nala saaray sidii xoolaha oo kale. Durba waxa aan dareemay kuleyl iyo cariiri.

Gaarigii dhexdiisa waxa aan iskabarannay Muriidi.In ka badan Lix  saacadood markaaan saarneyn Gaadhiga ayaan ka degnay. Xeradii aan kaga degnay waa mugdi oo Laydh ka mashidna, marmar ayaa arkeysa tooshash meel ka shidmaayo, saacaddu waaToban kii habeenimo. Amiirka xerada Abuu Cubeyda ayaanagu yirii ska jiifta, mid kamid ah dhallinyaradii ayaa weyddiiyaysu’aal “halkeen jiifanaa” ayuu kuyiri. Intuu qoslay ayu uugu jawaabay “carradaan ayaad jiifaneysaa, kabahaagana barkin ka dhigo, akhii”.

Qof walba halkii u dhaweyd ayuu madaxadhigtay. Haddii aan ku jiifanjiray sariir iyo Joodari laisdulsaaray, caawa ciidda an duljiifaa, baahi xun ayaa na iheyso, hurdaba waa ayigaimaanla’dahay. Salaaddii subax inta aan la gaarin waxa aan maqlay nin cod weyn leh kuna qeylinaaya “u kaca salaadda.” Waan booday oon istaagay, markeygii horeba waan dhagafududaa e, dhowr mar ayuu kuceliyay gacantana waxa uu kuwataa Shaabuugweyn. in badan dhallinyaradii waaay kaceen, qaar baase hurdada u macaanaatay ku daahday. Shaabuuggii uu watay ayuu saf kala maray, Ku waa ba iskaooyay. Markii aan wada kacnay waxa uu inn oo tilmaamay baraag ay kujiraan biyo badan oo ay hortubanyihiin koombooyin. In aan kuweysaqaadanno ayaann ubilownay. Markii aanS alaadda ka soobaxnayba, waxaa noobilawday tababbarkii maalintii koowaad.Sidiibaan u baahannahay, qaar kayo wuu awoodi waayey tababbarka, waxaana lala daba socdaa ulo, laguna garaacayaa.Danta ayaa kugu qasbeyso in aad ka qaybqaadato.Duhurkii ayaa noogu horreysay wax cunno ah, qof qof ayaana loogu soo guray saxan yar xoogaa bariis kulul ah, in aad dharagtid warkeeda iskadaa, oo intii noola soo gurayna na babaahitirin.

 

Intiiaan kujirnay xerada waxa aan saaxiibnay Muriidi, waxa uu na iigawarramay waayihiisa nololeed. Muriidi Aabbihii iyo Hooyadii waxa ay geeriyoodeen isaga oo 6 sano jira. Waxa uu waayay ciddaryeesha, tarbiyeysa, xannaaneysa oo geysa tacliin. Baahidu waxa ay kuqasabtay inuu shaqeysto. Waxa uu bilaabay in uunoqdo Baalashle, Baalashlaha aayuukushaqeysanjiray. Hoy uu ku hoydo ma laheyn. Waxaa hoy u ahaa maalinba meesha uu gabbalku ugu dhaco. Bulshada uu ushaqeeyo kana shaqeysto uma naxariistaan, qaar ka mid ahna waa ay dilaan waana ay ka dhacaan xoolaha uu shaqeysto. Da’ ahaan markii uu gaadhay 13 sano ayaa waxauugo’aansaday in uukubiiro Ururka Diineed.

 

Durbadaruufoxanuunnomurugolehdabadeebtababbarkiiwaauunoosoodhammaaday, aroortiinawaxaanaloosooqaadayMagaladaMuqdisho. Xeroayaa nala dajiyay, maalintiikuxigtaynawaxaanalooqaybiyayKhamiisyobaakistaani ah, Sarwuulkiisa, iyohubkanoocyadiisa kala duwan. Caawadiyaarbaannahay. WaxaanooyimidAbuu Muslim, Khudbaddheer ka dib waxauunoosheegaycaawa in aanweeraridoonnociidamaDowladdaiyoAmisom. Baabuur baa nalagusooqaaday. Halkaaanweeraridoonnomeel ka fog ayaanugadagnaygaadiidkiiaanwadannay.Saacad ka dib weerarbaanqaadnay, dhegahaygawaxaaankumaqlijiraydagaaldhaco, caawaanigaa ka mid ah, waxaaannadareemayaanaxdiniyocabsi.

 

Dagaalka waxaa la isku adeegsanayaa hubka noocyadiisa kala duwan. Dagaalku daqiiqdaba daqiiqada ka dambeysa waa uu siikulunayaa oo saacadka badan ayuu socday.Ujeeddadeennu waxa ay aheyd ku dhufoo kadhaqaaq.Qaar innaga mid ah waa ay dhinteen kuwa kalena waaay dhaawacmeen.Ku wiimeydka ahaa waan soojiidnay kuwii dhaawaca ahaanna waa la dhammeystiray, dhammaan waan soo wayddiinnay. 8 meyd ah ayaan sooqaadnay, waxaa annuna kusoo laabannay xeradii aandegganeyn. Amiir Abuu Muslim ayaa khudbad dhinacyo badan taabaneysa noo jeediyay, waxaana ka mid ah; “Maanta waa maalin qiima badan, kuwa badan oo Gaala iyo Gaalaraac ah ayaan gacmaheenna kudilnay, maxaa ka qiimabadan qof fasahaad ku wadayarladaan in sabab dilkiisa lagaagadhigo“AllaahuAkbar”manta walaalaheenna Shahiiday waa ay innaga nasiib badannyihiin Jannada ayay sidaas kugaleen”

 

Maalintii aan kubiirayay kooxda, Dugsiga waxa aan dhiganayay Fasalka Koowaadee dugsiga sare. Waxa aan ahaa wiil cad, cayilan, quruxbadan, xarrago badan, oo farxad kunool.Maantase dhar wax aan ka leeyahay hal Khamiis iyo Cimmaamadaan Afka kuduubto iyo kabo dhammaad ah. Waan dhuubtay, qoriga aan wato ma qaadikaro.

 

Abuu Xasan ayaa noo wacay aniga iyo Muriidi waxa uu noosheegay inaan qabaneyno camal (shaqo) aan Alle ugudhawaaneyno, waajibna ay nagutahay fulinteedu. Waxa uu noodhiibay laba Miino, waxa uuna noo sheegay in aanku aasno waddada dhinaceeda. Gaadhi Madoow ayuu innagu sooqaaday, halkii aan kuaasi rabnay ayuu noo tilmaamay waxa uuna guyiri “halkaas ku aasa, meeshana yaan idin kusugayaa e.” Waqtigu waa Salaadda subax ka hor. Intii aan wadnay aasidda Miinada waa ay nala qaraxday aniga iyo Muriidiba.

 

Muriidi halkaas ayuu kun afbaxay, aniguna waxa aankuwaayay labadeyda lugood. Baabuurkii ayuu nagu sooqaaday AbuuXasan, sida uu noo lasoocararay ayay uuna dhigay xeradii. Muriidi waa la aasay, waxaanna lagu aasay qabuuro noodhawaa, aniguna waxaan ku silcayaa xerada, mahelin daryeel caafimaad, xeradiina waa la iga soo eryay waxa aan iswayddiinayaa “maxaa ay ii ciidamiyeen haddii aynna idaryeeli Karin” Nasiibxumiyaa!

 

 

 

 

 

 

 

 

 

Leave a Comment

Your email address will not be published. Required fields are marked *

Scroll to Top